DIGICUT

DIGICUT proiektuaren helburu nagusia zera da: fabrikazio-prozesuen funtsezko karakterizazioan oinarritutako digitalizazioa eta kontrol inteligentea erabiliz azken belaunaldiko materialak prozesatu behar dituzten ekoizpen-makinen OEE (Overall Equipment Effectiveness) handitzea.

Horretarako, hainbat helburu espezifiko lortu beharko dira, txapa mozteko demostradorean zehaztu direnak:

1. helburua. Zenbakizko ereduak garatzea, kutxila bidezko ebaketa-prozesuak fidagarritasunez irudikatzeko gai izango direnak, horien funtsezko azterketa batean eta deformazio-abiadura handian lortutako material-ereduen erabileran oinarrituta.

2. helburua. Laser bidezko ebaketa-prozesuak fidagarritasunez irudikatzeko gai diren zenbakizko ereduak garatzea, laborategi-ingurune batean horien funtsezko azterketa bat oinarri hartuta.

3. helburua. Ikusmen artifizialeko algoritmoak garatzea, material aurreratuak kutxilez eta laserrez ebakitzeko kalitatea monitorizatzeko, begizta itxian ebaketa-prozesuak kontrolatu ahal izateko.

4. helburua. Kutxila eta laser bidezko ebaketa-prozesuetarako ereduetan oinarritutako kontrolak garatzea, ebaketa-prozesuak berregokitzeko, eta, gainera, sortutako xaflen kalitatearen diagnostikoa egitea.

5. helburua. Laborategi-ingurune batean egindako garapenak balioztatzea, xaflak zizailatzeko prototipo sentsorizatu bat eta laser-ebaketako saiakuntza-banku monitorizatu bat erabilita.

DIGICUT proiektua garatuz espero diren beste alderdi garrantzitsu batzuk hauek dira:

Proiektu taldea txapa eraldatzeko prozesuen digitalizazioan erreferentzia-puntu zientifiko-tekniko gisa kokatu. Maila partikularrean, honako hauetan bikaina izan nahi da:

• Materialen abiadura handiko karakterizazioa
• Xafla elementu finituen bidez zizailatzeko eta puntzonatzeko prozesuak modelizatzea
• Xaflazko laser-ebaketako prozesuen zenbakizko analisia
• Xafla konformatzeko prozesuen ereduetan oinarritutako digitalizazioa eta kontrola

DIGICUT (KK2019/00071) EUSKO JAURLARITZAren ELKARTEK programak finantzatzen du eta KONIKERek koordinatzen du. KONIKERez gain, MGEP eta IDEKO dira proiektuko beste kide batzuk.