Bazkideak

FAGOR ARRASATE MONDAGON Korporazioko kide sortzailea da eta 1957an ekin zion bere jarduerari. Une honetan 800 pertsona baino gehiago ari dira bertan lanean, eta horietatik erdia baino gehiago Ingeniaritza eta I+G arloetan ari dira. Material metalikoen konformaziorako ingeniaritza, garapen eta martxan jartzearen arloetan espezializatuta dago, eremu horren ia edozein adarretan.

Bere bezeroen sektoreen artean munduko ekonomiarentzat eta Euskal Herrikoarentzat oinarrizkoak diren 3 industria nabarmentzen dira:

• Automobilgintza, xasisa eta BIWa.
• Etxetresna elektrikoak, nagusiki linea zuria.
• Siderurgia, altzairuaren nahiz aluminioaren sektoreetan.

FAGOR ARRASATE munduko liderra da material metalikoen eta ez metalikoen konformaziorako eta ebaketarako giltza eskura erako proiektuen diseinuan, fabrikazioan eta hornikuntzan. Duen produktu zorro ugariaren artean honako hauek nabarmen litezke:

• Estanpazio sistemak eta prentsa mekanikoak, hidraulikoak eta serboprentsak
• Ebaketa lerroak eta bobinak eta formatuak prozesatzeko sistemak.
• Xafla konplexuzko piezen fabrikaziorako sistema bereziak, ebaketa, puntzonaketa, tolestatze eta lotura prozesuetan oinarrituta.
• Profilatzeko sistemak
• Trokelak

Mondragon Assembly 40 urte baino gehiagoko esperientzia duen nazioarteko taldea da, eta automatizazio eta mihiztadura soluzioen garapenean espezializatuta dago. Hainbat sektoreri soluzio automatikoak edota erdiautomatikoak eskaintzen dizkie, esate baterako honako hauei: eguzki energia, etxetresna elektrikoak, elektrizitatea, kosmetika, eta gailu eta tresna medikoak.

CORPORACIÓN MONDRAGON 1956an hasitako mugimendu kooperatiboaren emaitza da, urte horretan sortu baitzen industria arloko lehen kooperatiba izen bereko udalerri gipuzkoarrean. Bere enpresa filosofia bere Balio Korporatiboetan dago jasoa: Lankidetza, Parte hartzea, Gizarte Erantzukizuna eta Berrikuntza.

CORPORACIÓN MONDRAGONen Misioak nazioarteko merkatuetan lehiatzen duen enpresa erakunde baten oinarrizko helburuak biltzen ditu, bere sozietate antolamenduan bitarteko demokratikoak erabilita, enplegua sortuz, bere langileen giza sustapena eta sustapen profesionala bultzatuz eta bere gizarte ingurua garatzeko konpromisoa izanik.

Antolatzeko era kontuan hartuta CORPORACIÓN MONDRAGONek lau arlo ditu: Finantzak, Industria, Banaketa eta Ezagutza.

Gaur egun, 100 kooperatiba autonomo eta independente baino gehiagok osatzen dute CORPORACIÓN MONDRAGON, eta, horrela, euskal enpresa taldeen artean lehena da eta hamargarrena Espainiakoen artean.